ايمن_4846
23-07-2005, 12:06 AM
بسم الله الرحمن الرحيم
يا جاهل أسرار نفسـي فسـر أبياتـي ** وتشوف بين الحروف أسرار تكوينـي
شف لمحة الحزن..شف لوعة معاناتي ** شف هزة الوجد..رجت مركب سنينـي
تاخذنـي الذكريـات لبعـض وقفاتـي ** وأعيش حلمٍ علـى الماضـي يبكينـي
حلم الطفوله.. وحلـم أيـام فرحاتـي ** يوم إني إليا طلبـت الوقـت يعطينـي
يوم العصافيـر كانـت كـل غاياتـي ** كنها علـى غصنهـا المايـل تناجينـي
والشمس كانت رفيقة صبـح جولاتـي ** مـا غيرهـا فـي ملذاتـي يخاوينـي
أسير وأرسم على الجـدران لوحاتـي ** باق على بعضهـا رسمـي وتلوينـي
وإن ظلم الليل قمـت أروي حكاياتـي ** للنجم..وأسمع صدى صوته يحاكينـي
كنت أملك الأرض وأملاها بضحكاتـي ** وأكبر ..والأيـام للمجهـول ترمينـي
ليـن الثلاثيـن دقـت بـاب لحظاتـي ** طويت الأيام ..واثر العمـر يطوينـي
جيـت الثلاثيـن وازدادت طموحاتـي ** وتغيرت نظرتي عـن كـل مـا فينـي
خليت مع كبر سنـي بعـض عاداتـي ** إلا جمـوح الصبـا ..عيـا يخليـنـي
والطفل فـي داخلـي متمـرد عاتـي ** ما هو براض معـي يوصـل ثلاثينـي
يا مركب العمـر لا تخلـف محطاتـي ** متى على الموقـف البيـن ترسينـي؟
عجزت أسافر على موجـة خيالاتـي ** أبغى وطـن والليالـي ضـد توطينـي
ما خفت لا الشيب يرعى من زهر ذاتي ** صيور شيب وطـى الباقيـن واطينـي
والموت مـا خفـت لا يهـدم ملذاتـي ** لا بـد الأيـام مهمـا عشـت تفنينـي
أخاف لامـوت مـا حققـت رغباتـي ** وإلا يمـوت الطمـوح اللـي يغذينـي
وتضيع في زحمـة الدنيـا سجلاتـي ** والمجد ما تسعفـه ذكـرى عناوينـي
راحت ثلاثين واللـي راح مـا ياتـي ** يا الله على الجاي من عمـري تقوينـي
ِِ
و سلامتــكم
يا جاهل أسرار نفسـي فسـر أبياتـي ** وتشوف بين الحروف أسرار تكوينـي
شف لمحة الحزن..شف لوعة معاناتي ** شف هزة الوجد..رجت مركب سنينـي
تاخذنـي الذكريـات لبعـض وقفاتـي ** وأعيش حلمٍ علـى الماضـي يبكينـي
حلم الطفوله.. وحلـم أيـام فرحاتـي ** يوم إني إليا طلبـت الوقـت يعطينـي
يوم العصافيـر كانـت كـل غاياتـي ** كنها علـى غصنهـا المايـل تناجينـي
والشمس كانت رفيقة صبـح جولاتـي ** مـا غيرهـا فـي ملذاتـي يخاوينـي
أسير وأرسم على الجـدران لوحاتـي ** باق على بعضهـا رسمـي وتلوينـي
وإن ظلم الليل قمـت أروي حكاياتـي ** للنجم..وأسمع صدى صوته يحاكينـي
كنت أملك الأرض وأملاها بضحكاتـي ** وأكبر ..والأيـام للمجهـول ترمينـي
ليـن الثلاثيـن دقـت بـاب لحظاتـي ** طويت الأيام ..واثر العمـر يطوينـي
جيـت الثلاثيـن وازدادت طموحاتـي ** وتغيرت نظرتي عـن كـل مـا فينـي
خليت مع كبر سنـي بعـض عاداتـي ** إلا جمـوح الصبـا ..عيـا يخليـنـي
والطفل فـي داخلـي متمـرد عاتـي ** ما هو براض معـي يوصـل ثلاثينـي
يا مركب العمـر لا تخلـف محطاتـي ** متى على الموقـف البيـن ترسينـي؟
عجزت أسافر على موجـة خيالاتـي ** أبغى وطـن والليالـي ضـد توطينـي
ما خفت لا الشيب يرعى من زهر ذاتي ** صيور شيب وطـى الباقيـن واطينـي
والموت مـا خفـت لا يهـدم ملذاتـي ** لا بـد الأيـام مهمـا عشـت تفنينـي
أخاف لامـوت مـا حققـت رغباتـي ** وإلا يمـوت الطمـوح اللـي يغذينـي
وتضيع في زحمـة الدنيـا سجلاتـي ** والمجد ما تسعفـه ذكـرى عناوينـي
راحت ثلاثين واللـي راح مـا ياتـي ** يا الله على الجاي من عمـري تقوينـي
ِِ
و سلامتــكم